Össur er Framúrskarandi fyrirtæki 2020

Össur er í hópi þeirra 2% íslenskra fyrirtækja sem uppfylla ströng skilyrði greiningar Creditinfo á framúrskarandi fyrirtækjum árið 2020.

Stefnumið Össurar er að bæta hreyfanleika fólks með tækni, rannsóknum og nýsköpun. Fyrirtækið aðhyllist mannleg gildi í hvívetna og vinnur náið með þeim sem þurfa á vörunum að halda. Þannig hefur Össur með öflugu starfsfólki sínu náð frábærum árangri í starfi og séð markmiðin verða að veruleika; fólk yfirstígur líkamlegar hindranir, fær notið sín til fulls og öðlast betra líf.

Össur er meðal 63 fyrirtækja sem hafa verið á þessum lista frá upphafi og er það mikill heiður að hljóta þessa viðurkenningu ellefta árið í röð.